Breaking News
Home / Sports / 9.81 സെക്കന്റില്‍ റിയോ ട്രാക്കില്‍ ‘ബോള്‍ട്ടിട്ടു’; 100 മീറ്റര്‍ അതിവേഗ മത്സരത്തില്‍ ബോള്‍ട്ടിന് സ്വര്‍ണം

9.81 സെക്കന്റില്‍ റിയോ ട്രാക്കില്‍ ‘ബോള്‍ട്ടിട്ടു’; 100 മീറ്റര്‍ അതിവേഗ മത്സരത്തില്‍ ബോള്‍ട്ടിന് സ്വര്‍ണം

bolte

റിയോ: ട്രാക്കിലെ വേഗരാജാവ് ആരാണെന്ന ചോദ്യത്തിന് ഉസൈന്‍ ബോള്‍ട്ട് വീണ്ടും ഉത്തരം നല്‍കിയിരിക്കുന്നു. റിയോ ഒളിമ്പിക്‌സിലെ 100 മീറ്റര്‍ അതിവേഗ ഇനത്തില്‍ 9.81 സെക്കന്റ് രേഖപ്പെടുത്തി ജമൈക്കന്‍ താരം ഉസൈന്‍ ബോള്‍ട്ട്, ഒളിമ്പിക്‌സ് ട്രാക്കിലെ ‘ട്രിപ്പിള്‍-ട്രിപ്പിള്‍’ സ്വര്‍ണ്ണ വേട്ടയുടെ ആദ്യ കടമ്പ പൂര്‍ത്തീകരിച്ചു. പുരുഷന്‍മാരുടെ 100 മീറ്റര്‍ അതിവേഗ ഇനത്തില്‍ തുടര്‍ച്ചയായുള്ള മൂന്നാം സ്വര്‍ണ്ണമാണ് ബോള്‍ട്ട് കരസ്ഥമാക്കിയിരിക്കുന്നത്.
തുടക്കത്തില്‍ ഒരല്‍പം പതറിയെങ്കിലും അതിവേഗ ചുവടുകളാല്‍ ഫിനിഷിങ്ങ് ലൈനിലേക്ക് ഉസൈന്‍ ബോള്‍ട്ട് കുതിച്ചെത്തുകയായിരുന്നു. 9.89 സെക്കന്റ് രേഖപ്പെടുത്തി ജസ്റ്റിന്‍ ഗാട്ട്‌ലിനും, 9.91 സെക്കന്റ് രേഖപ്പെടുത്തി ആന്ദ്രേ ദെ ഗ്രാസ്സും യഥാക്രമം രണ്ടും മുന്നും സ്ഥാനം നേടി ബോള്‍ട്ടിന് പിന്നിലായി നിലകൊണ്ടു. ജസ്റ്റിന്‍ ഗാട്ട്‌ലിന് മികച്ച തുടക്കം ലഭിച്ചിരുന്നെങ്കിലും, ബോള്‍ട്ടിന്റെ മുന്നേറ്റത്തെ തടുക്കാന്‍ ഗാട്ട്‌ലിന്‍ സാധിച്ചില്ല.

പരുക്ക് അലട്ടിയതിനാല്‍ നിറം മങ്ങിയ സെമി പ്രവേശനം നേടിയ ബോള്‍ട്ട് പക്ഷെ, ഫൈനല്‍ പ്രവേശനം രാജകീയമായി നേടുകയായിരുന്നു. സെമിയില്‍ 9.86 സെക്കന്റ് രേഖപ്പെടുത്തിയ ഉസൈന്‍ ബോള്‍ട്ട് ഫൈനലില്‍ യുഎസിന്റെ ജസ്റ്റിന്‍ ഗാട്ട്‌ലിനുമായും, ജമൈക്കന്‍ സഹതാരം യോഹാന്‍ ബ്ലേക്കുമായും കടുത്ത മത്സരം പ്രവചിച്ചിരുന്നു. തന്റെ നേട്ടം, ജമൈക്കന്‍ ജനതയ്ക്ക് വേണ്ടിയാണ് എന്ന ട്വീറ്റും മത്സരത്തിന്റെ പിന്നാലെ ബോള്‍ട്ട് നല്‍കി.

Check Also

neymar 2

പുതുചരിത്രം സമ്മാനിച്ച്​ നെയ്​മർ ക്യാപ്​റ്റൻ സ്​ഥാനം ഒഴിഞ്ഞു

റിയോ ഡെ ജനീറോ: ഒളിമ്പിക്സിലെ ഫുട്ബാൾ ചരിത്രത്തിൽ പുതുചരിത്രം രചിച്ച് ബ്രസീലിെൻറ ഇതിഹാസ താരം നെയ്മർ ക്യാപ്റ്റൻ സ്ഥാനം ഒഴിഞ്ഞു. …

Leave a Reply

Your email address will not be published. Required fields are marked *